OINSA HAKEREK ESSAI IDA

PROSPEKTU NO DEZAFIUS IMPLEMENTASAUN IT IHA ENSINU SUPERIOR

                                                                                               

HUSI;

ABÍLIO FILIPE

SEMESTER;
I 

DEPARTAMENTU;
COMPUTER SCIENCE

MATERIA;
ENGINEERING DESIGN COMMUNICATION 

DILI INSTITUTE OF TECHNOLOGY
(DIT)
_________________________________________

IT (Information Technology) hanesan  liafuan ka termu jeral ida nebee splika konaba buat nebe ajuda ema liu husi;  halo, transforma, rai (dokumentu sira nebe importante), halo komunikasaun, ka fahe informasaun. Antigamente ema fo informasaun ba malu liu husi lian deit. Tamba nee lian sai hanesan teknolojia, liu husi lian bele fahe informasaun maibe lian nebe ita uza liu husi ibun ba ibun sei la kleur deit tamba ita simu informasaun wainhira ema nebee fo informasaun nee sei kolia hela. Liu tiha ida nee la iha ona no sei la rai kleur. Ho tempu nebee mak naruk no kleur too ohin loron mosu ona teknolojia nebe bele fasilita ita, no ita bele rai informasaun ka dadus nebee importante iha neba. Nunee mos tempu ba tempu nebee teknoljia sempre iha mudansa sei fo benefisiu no fasilita diak liu tan ita ema (kliente) nebee uza teknolojia sira nee.

Mudansa teknolojia nebee mak aas iha sekulo agora dadaun, nunee mos husi kompetisaun kompania internasional sira nia nebee makaas iha mundo nee, no halo teknolojia mos sempre iha mudansa bebeik. Liafuan “technology” nebee konyesidu liu ho liafuan ICT (information communication technology). ICT sai hanesan liafuan termolojia nebee uza atu esplika konaba sasan komunikasaun hanesan radio, televizaun, komputador, komponente seluler, satelite, no seluk tan, nunee mos element (aplikasi) no service nebee uza liu husi komponente sira nee mak hanesan video conferencing.

Mudansa teknolojia nebee lais no makaas ninia Prospektu implementasaun iha ensinu superior mak sei fo kontribuisaun ba alunu sira nia hakarak, hodi aprende kona ba teknolojia sira nee. No ba alunu sira nebee iha vontade atu aprende sira mos hakarak atu hamosu buat nebee foun kona Ba teknolojia nian, liuliu ba siran ebee estuda konaba area IT nian. Ho teknolojia nebee sempre iha mudansa boot (upgrade) hela deit,  sei fo interesante ba alunu sira nebee hakarak duni atu aprende konaba area ida nee. Teknolojia nebee halo mudansa sei fo mos benefisiu ba alunu no dosente sira, mak hanesan fasilita dosente sira iha tempu aprendijajen nian (uza deit projector hodi hanorin). Fo benefisiu ba alunu sira hodi halo servisu (tugas) husi internet liu husi wariless nebee iha. Essai ida nee atu hakerek konaba prospektu no dezafiu implementasaun IT (Information Technology)  iha ensinu superior sira.

Prospektu no dezafiu implementasaun IT nian iha ensinu superior. Prospektu ka vantajen impementasaun mak sei fo benefisiu nebee diak ba kliente sira. Tamba husi tempu ba tempu nebee sempre iha mudansa ba teknolojia, hodi fo benefisiu ba kliente sira nebee uza. No mos bele fasilita kliente sira nebee uza hodi bele komunika no fahe informasaun ba malu liu husi teknolojia nebee iha. Ninia dezafiu mak kliente sira balun la duun hatene uza teknolojia hirak nee. Tamba teknolojia nee sei la lao mesak (la funsiona mesak) wainhira ema nebee uza (brainware) nee la iha. Prospektu ka vantajen implementasaun mak hanesan Iha kompania konyesidu balun nebee iha estudu ICT, liuliu husi komponente seluler sira, mak hanesan ho naran Research in Monitor (RIM) nebee mai husi Kanada ho komponente blackberry.  Samsung mai husi Korea do sul nebee utiliza software Android, Apple mai husi Estadus Unidus da Amerika nebee agora dadaun halo mos komponente seluler iPhone 5, no Nokia nebee mai husi Finlandia nebee halo ona segmentu smartphone ho komponente software Windows. Husi Kompania konyesidu sira nebee iha, fo ezemplu ba kompania kiik sira hodi bele hetan lukru liu husi mudansa teknolojia. Benefisiu husi mudansa sira nee mak kompania sira nebee iha fatin balun maske kiik ka boot sira uza teknolojia hodi bele fo benefisiu ba sira nia esforsu ka servisu. Teknolojia nee mos bele halo mudansa ba management information system (MIS) nebee halo sitema komputador hodi halo desizaun maximu nebee ho tipu3 :Teknolojia, Ema (individu, grupo, no organiazasaun), no Data. Ezemplu Prospek Implementasaun mak hetan liu husi, software customer relationship management (CRM) ba otel no banku atu fasilita hodi halo interasaun ho konsumedor sira no track record  ba vendedor sira, sistema electronic data Interchange (EDI) ba kompania sira balun atu bele fasilita sira wainhira iha PEMESANAN sasan ruma ba vendedor sira, no mos atu bele minimiza hodi uza suratahan (nota ho sutahan), no fo benefisiu ba Global Positioning System (GPS) ba kompania transportasaun sira, no selu seluk tan.

          Ninia dezafiu mak ema hotu (kliente sira) tenke simu no uza (acceptable). Maibe mudansa sasan teknolojia sira nee mak ema la simu ( no acceptable) mak sei fo pressaun boot (duvida) ba kompania sira tamba ho hahalok sira nebee mak kompania sira la espera hanesan resistance to change (la aseita mudansa nebee iha) bele fo impaktu negative ba sira nia kompania. Hanesan exemplu,element (aplikasi) foun sira nebee iha, ema (kliente) sira sei la fasil atu uza tamba sira hatene katak agora dadaun nee ema belekria virus nebee iha liu husi aplikasi sira hodi fo impaktu negativu ba sira. Hanesan sasan teknologia sira; Mobile, kaset (CD), laptop, komputador, no seluk tan nebee mak ema halo falsifikadu (bajakan) deit nebe agora dadaun mosu barak ona. No mos iha parte seluk, liu husi teknolojia ema bele bosok malu hanesan; liu husi telephone, facebook, whatsapp, viber, we chat, skype, no mos liu husi aplikasaun seluk tan nebee ema uza hodi komunika ba malu.

Bazeia ba konteudu leten, prospektu mak fo benefisiu no fasilita ita ema (kliente sira) hodi halao aktividade lorloron nian no mos bele ajuda ita hodi bele halo buat nebe ita la bele halo (deteksi suatu masalah degan komputer). Dezafiu ida mak resistance to change (ema la simu) nee  mosu tamba ema hotu-hotu sei la fasil atu simu mudansa nebee iha, no sira konsidera katak wainhira iha buat ruma nebee mak mudansa (foun) ida, sai hanesan dezafiu ba sira no sai hanesan ameasaun ida ba sira nia sasan teknolojia nebee sira uza antes iha mudansa nunee rekomenda atu;

Sasan teknolojia nebee iha, ita uza ho didiak (uza hodi bele fo vantazem nebe diak mai ita) no liu husi ida nee ita mos bele iha interesante liuliu ba mudansa teknolojia nebee iha hodi bele aumenta ita nia kapasidade no bele konyese klean liu tan teknolojia nebee iha, hodi fo benefisiu no fasilita ita atu halao ita nia servisu lorloron nian.

Dezafiu nebe mak ita hetan laos atu halo ita atu lakon esperansa maibe esforsu aan atu lee referensia barak liu tan, liuliu konaba mudansa teknolojia nian.

:P :D  ida nee mak ezemplu simples husi hau, oinsa bele hakerek essai ida.. Karik bele ajuda ita boot.