OINSA HAKEREK PROPOSAL

PROPOSAL ATU HARII SENTRU FORMASAUN IT NIAN IHA SUKU A SUB DISTRITU B DISTRITU C

                                                      

Husi :

ABÍLIO FILIPE
Semester :

I

Departamentu :
COMPUTER SCIENCE

Materia :
ENGINEERING DESIGN COMMUNICATION
                                                                                                              

DILI INSTITUTE OF TECHNOLOGY
(DIT)

OVERVIEW

Populasaun sira nebee falta informasaun kona ba teknika informatika (IT)  no joven desempregu nebee barak, tamba nee ami planu program ida, atu harii sentru formasaun IT nian atu kapasita populasaun sira.

Ami iha formador nain 8 (walu) nebee kada formador iha esperensia diak kona ba informasaun teknolojia nian. No metodu ami nian hodi fo formasaun ba kliente sira mak sei iha dader , loraik no  kalan.

Tamba nee ami halo proposta ida nee atu husu tulun ba Donator sira kona ba ami nia objektivu nebee atu harii sentru formasaun iha Distritu C, Sub distritu B iha parte suku A nian hodi kapasita joven sira nebee dezempregu, fo konyesimentu ba funsionariu (profesor/a) sira, no mos ba estudante sira iha suku refere.

Iha  ami nia progama ida nee ami sei halao formasaun ba kliente sira (populasaun) durante fulan 9 (sia) nia laran. No atu atinze planu programa ida nee, ami presija tulun husi donator sira ho osan montante $ 42.465.00 dollares atu gasta ba ekipamentu sira no fasilidade sira nebee ami presija iha sentru formasaun ida nee.

               I.   INTRODUSAUN

1.1      RASIONALIDADE

  Ita hatene katak  mudansa teknolojia nebee mak makaas iha mundu agora dadaun, no populasaun nebee sempre presija teknolojia hirak nee hodi fasilita sira nia moris lorloron nian ho sasan  perangkat keras (hardware), perangkat lunak (software), tamba nee ami iha iniasiativu ida atu loke sentru formasaun hodi fo formasaun ba populasaun sira hodi bele konyese no hatene oinsa atu uza no kuidadu sasan hirak nee.

Ami hakarak loke sentru formasaun IT nian ida nee iha Distritu C Sub Distritu B iha parte Suku A nian tamba ami hatene katak populasaun iha suku ida nee hakarak tebes atu asessu ba teknolojia, maibe defikuldade nebee sira hetan mak, la bele hetan informasaun kona ba sasan teknolojia nian tamba sira dook tebes husi kapital Dristritu no Sub distritu. Ho razaun ida nee ami hakarak loke sentru formasaun iha suku ida nee atu bele fasilita no ajuda populasaun sira hodi bele hatene asessu ba teknolojia sira nee.

                      1.2      OBJEKTIVU

          Objetivu atu loke sentru formasaun IT ida nee mak ;

·   Atu fo konyesimentu nebee diak no klean ba (kliente sira) liuliu ba estudante sira kona ba oinsa atu acessu ba sasan teknolojia sira nee, liu-liu kona ba parte aprendizazen, servisu iha edifisiu ruma, no mos presija ba moris lorloron nian.

·     Ho sentru formasaun ida nee bele ajuda kliente sira, liuliu ba sira nebee dezempregu, sira mos bele buka servisu iha fatin balun nebee presiza area IT nian.

·     Fo konyesimentu ba kliente sira oinsa sira bele uza no kuidadu sasan teknolojia sira nee.

·      Fo konyesimentu liuliu ba estudante ensinu pre-sekundaria no sekundaria sira nebee iha suku refere, atu nunee sira bele iha ona esperensia no konyesimentu  kona ba teknolojia hirak nee, antes sira atu kontinua sira nia estudu iha ensinu superior (universidade) sira.

                        1.3   KLIENTE SIRA

·       Estudante sira (ensinu baziku no  ensinu sekundariu).

·     Joven sira, nebee akaba deit sira nia estudu iha ensinu sekundariu, no balun nebee la konsege akaba sira nia estudu tamba limitasaun ekonomia.

·    Funsionariu sira ( professor/a ), tanba sira presija sasan teknologia hirak nee hodi fasilita sira liuliu iha parte aprendizazen ( iha tempu hanorin estudante ).

·      Kliente sira kontente tebes no sira fo apoiu tomak ba ami, hodi halo proposal ida nee tamba sira hakarak duni atu loke sentru formasaun IT nian nee iha suku refere, tamba durante nee sira nunka hetan formasaun kona ba IT nian iha sira nia suku.

                            1.4   METODU

                       Metodu sira nebee ami atu uza hodi fo formasaun ba kliente sira mak; 

·     Sei fo formasaun iha dader,  ba joven sira nebee akaba ensinu sekundariu no mos la konsege akaba ensinu sekundariu, sei fo foramasaun ba sira hahu husi tuku 08:30 dader  too tuku 10:30 dader.

·     Sei fo formasaun iha loraik ba estudante sira, ( ensinu baziku no sekundariu), tamba dader sira eskola. Tamba nee sei fo formasaun ba sira, hahu husi tuku 02:00 loraik too tuku 04:00 loraik.

·     Sei fo formasaun iha kalan (ba funsionariu sira), sei hahu husi tuku 05:00 loraik too tuku 07:30 kalan.

·       Formador sira mos sei fahe tempu ba malu, sei fo formasaun iha dader no loraik.

• Materia formasaun nian mak hanesan ;

-  Hardware

-  Software

-   Design Graphic

-   Networking

-    Multimedia

-    Office

                         II.   REKURSU SIRA NEBEE ATU UZA

                        2.1   EMA (personal) ; 

 ·  Kordenador formasaun, Juliao de Araujo. Ho level lisiensiatura (S1). Nebee esperensia ona iha Dili Institute of Technology (DIT) sai hanesan xefe departamentu Computer Science nian durante tinan 5 (lima) nia laran.

 ·  Staff obsevador, Mario dos Santos. Ho level lisiensiatura (S1). No esperensia dosente iha Institute of  business (IOB) iha departamentu Computer Engineering.

 ·   Staff finansa Joana Guteres. Ho level D3. Akaba ninia estudu  iha area Akuntansia  nian iha sentru formasaun ETDA.

  ·   Formador sira mak hanesan ;

§      Antonio Sarmento no Agapitu de Souja, esperensia tinan 3 fo kursu ba estudante sira  iha Eskola Secundaria Dom Bosco Comoro kona ba Office.

§      Ilidio Soares no Marianu Maia , iha esperen tinan 4 hanorin iha centru formasaun Juventude Bebonuk, iha area Hardware (perangkat keras).

§      Maritu da Costa ho level lisiensiatura (S1) no Nilton Gusmao ho level (S1), sira nain rua iha esperensia durante fulan Walu estaziu iha Edifisiu Ministro da Justica nian. Iha konyesimentu ba area networking, graphic  no Website.
§ Marcelina da Conseicao, ho level lisiensiatura (S1)  no Frederico Magno ho level lisiensiatura (S1) sira nain rua iha konyesimentu nebee diak area multimedia no design nian.

                          2.2   FASILIDADE ;

·        Fasilidade nebee uza  mak;

-          Sala konferensia

-          Toilet

-          Sekretariadu

-          Kadeira no meza

-          Ahi elektrisidade

-          Internet

-          Mesin fotocopy

-          Printer

 ·       Salaun (uma) nebee ami uza ajudasaun mai husi NGO ho naran HDMI.

 ·       Kadeira no meza, ami hetan ajuda husi ministeriu Estatal.

 ·     Fasilidade nebee ami selu mak hanesan ahi elektrisidade kada fulan $65.00 dlr no    internet kada fulan $ 100.00 dlr.

                       2.3   EKIPAMENTU / MARIAL NEEBE UZA

·      Material nebee ami uza ;

-          Screen ( ba projector)

-          Whiteboard

-          Espidol (board marker)

-          Surat tahan ( AVS)

-          Projector

-          Komputador

-          Laptop

-          Ups

             ·      No ekipamentu nebee ami uza hodi komunika baa malu mak hanesan ;

-          Telefone

-          Internet ( email )

 III. TEMPU

        Tempu nebe uza hodi halao aktividade sira nee mak hanesan iha tabela tuir mai nee.

 

IV.            PLANU  ORSAMENTU